Kerala tv show and news
ടോങ്ക്: പ്രേതത്തെ ഓടിക്കാന് സ്ക്കുളില് ഹോമം. പ്രേതത്തെ ഭയന്ന് ടോങ്ക് ജില്ലയിലെ ഒരു യുപി സ്ക്കുളിലാണ് പ്രത്യേകം ഹോമം നടത്തിയത്. ഒരു പെണ്കുട്ടിയുടെ പ്രേതത്തെ കണ്ടുവെന്ന വാര്ത്ത പ്രചരിച്ചതിനെത്തുടര്ന്ന് 170 ഓളം കുട്ടികള് കഴിഞ്ഞ 5 ദിവസമായി സ്ക്കുളില് എത്താഞ്ഞതിനെത്തുടര്ന്നായിരുന്നു ഹോമം. സ്ക്കുളിലെ 3 കുട്ടികളാണ് സ്ക്കുളില് വെച്ച് പ്രേതത്തെ കണ്ടുവെന്ന് പറയുന്നത്. ടോയ് ലറ്റില് നിന്ന് ഈ കുട്ടികളെ പ്രേതം പുറത്തേയ്ക്ക് തള്ളിയെന്നാണ് പറയുന്നത്. തുടര്ന്ന് ഭയന്ന കുട്ടികള് അബോധാവസ്ഥയില് ആകുകയായിരുന്നു. ഈ വാര്ത്ത കാട്ടുതീ പോലെ പരന്നതിനെത്തുടര്ന്നാണ് രക്ഷിതാക്കള് കുട്ടികളെ സ്ക്കുളില് അയയ്ക്കാതായത്. ജില്ലയിലെ വിദ്യാഭ്യാസ വകുപ്പ് ജീവനക്കാര് കുട്ടികളുടെ രക്ഷിതാക്കളുമായി സംസാരിച്ചെങ്കിലും ശ്രമം വിഫലമാകുകയായിരുന്നു.
No comments:
Post a Comment