റിയോ ഡി ജനിറോ: ഈ എട്ടുവയസുകാരി സ്പര്ശിച്ചാല് കാന്സറും എയ്ഡ്സും മാറും. എട്ടു വയസുകാരിയായ അലാനി സാന്റോസ് ആണ് മനുഷ്യ ദൈവങ്ങളുടെ തലമുറയിലെ ഏറ്റവും ഇളമുറക്കാരി. കാന്സറും എയ്ഡ്സും വരെ സ്പര്ശിച്ച് ഭേദപ്പെടുത്തുന്ന അലാനി ബ്രസീലിലെ സാന് ഗോണ്സാലോസ് എന്ന ചേരിയിലെ പള്ളിയിലാണ് അത്ഭുതപ്രവര്ത്തികള് നടത്തുന്നത്. റിയോ ഡി ജനെറോ നഗരത്തിന് തൊട്ടരുകിലായാണ് സാന് ഗോണ്സാലോസ് എന്ന ചേരി. ഇവിടുത്തെ പള്ളിയിലേയ്ക്ക് അലാനിയുടെ സ്പര്ശനം കൊതിച്ച് രോഗശാന്തി തേടിയെത്തുന്നത് അനേകായിരങ്ങളാണ്. കഴിഞ്ഞ രണ്ടു വര്ഷമായി അലാനി ഇത് ചെയ്യുന്നുണ്ട്. ആഴ്ചയില് രണ്ട് ദിവസമാണ് അലാനിയുടെ രോഗശാന്തി ശുശ്രൂഷ. ആളുകള്ക്ക് സൌഖ്യം പകരുന്നതില് തനിക്ക് സന്തോഷമേയുള്ളുവെന്നും നിസ്സഹായരായ മനുഷ്യരെ ശുശ്രൂഷിക്കുന്നതിലൂടെ താന് ദൈവത്തെ കാണാനാണ് ശ്രമിക്കുന്നതെന്നും ഈ പെണ്കുട്ടി പറയുന്നു. താന് പ്രാര്ത്ഥിക്കുക മാത്രമേ ചെയ്യുന്നുള്ളുവെന്നും അത്ഭുതങ്ങള് നടത്തുന്നത് ദൈവമാണെന്നും അലാനി പറയുന്നു. പ്രാര്ത്ഥനയും പാട്ടുമൊക്കെ കഴിഞ്ഞാല് സംഭാവന പിരിവുമുണ്ട്.
വര്ഷങ്ങളായി ഊന്നുവടിയുടെ സഹായത്തോടെ നടന്നിരുന്നവരെ സാധാരണ മനുഷ്യരെപ്പോലെ നടക്കാന് പ്രാപ്തരാക്കുകയും ഏഴുവര്ഷത്തോളം എച്ച്.ഐ.വിക്ക് ചികിത്സതേടിയാളെ രോഗമുക്തനാക്കുകയും ചെയ്തെന്നൊക്കെയാണ് അലാനി പറയുന്നത്. പള്ളിയിലെ പാസ്റ്റര് അലാനിയുടെ അച്ഛന് അഡോറ്റോ സാന്റോസാണ്. കാര് മോഷ്ടാവായിരുന്ന അഡാറ്റോ മാനസിക പരിവര്ത്തനം വന്ന് ദൈവത്തിങ്കലേയ്ക്ക് ഇറങ്ങുകയായിരുന്നു. തന്നിലൂടെ രോഗശാന്തി കിട്ടിയെന്ന് മറ്റുള്ളവരോട് പറയുന്നത് അച്ഛനാണെന്നും ലിറ്റില് മിഷണറി എന്ന് വിളിക്കപ്പെടുന്ന അലാനി പറയുന്നു. രോഗശാന്തി വരുത്തുന്നു എന്നതൊഴിച്ചാല് അലാനി സാധാരണകുട്ടിയാണെന്നും ഈ കഴിവ് മകള്ക്ക് കിട്ടിയ വരദാനമാണെന്നും അവളുടെ അച്ഛന് പറയുന്നു. ദൈവമാണ് രോഗശാന്തി വരുത്തുന്നതെന്നും മകള് ഒരു ഉപകരണമാണെന്നുമാണ് അയാളുടെ വാദം. വീഡിയോ കാണുക.
No comments:
Post a Comment