ലണ്ടന്: കൃത്രിമരക്തം ലോകത്ത് ആദ്യമായി ഇംഗ്ലണ്ടില് മനുഷ്യനില് പരീക്ഷിക്കാനൊരുങ്ങുന്നു. ചുവന്ന രക്താണുവിന്റെ കുറവുമൂലം ഉണ്ടാകുന്ന താലസ്സിമിയ രോഗികളായ മൂന്നുപേര്ക്കാണ് ആദ്യമായി കൃത്രിമ രക്തം നല്കുന്നത്. 5 എം.എല് രക്തം വീതമാണ് ഇവര്ക്ക് ആദ്യഘട്ടത്തില് നല്കുക. മനുഷ്യന്റെ വിത്തുകോശത്തില് നിന്ന് കൃത്രിമ ചുവന്ന രക്താണുക്കള് നിര്മ്മിക്കുന്നതില് ഗവേഷകര് വിജയിച്ചിട്ടുള്ളതാണ്. ഇത്തരത്തില് വ്യവസായികമായി രക്തം നിര്മ്മിക്കാനാണ് എഡിന്ബറോ സര്വകലാശാലയുടെ പദ്ധതി. രക്തം ആവശ്യമായി വരുന്ന രോഗികള്ക്ക് കൃത്രിമരക്തം നല്കാനാകുമെന്നാണ് സ്ഥാപനത്തിന്റെ പ്രതീക്ഷ. ഇതിനായി 50 ലക്ഷം ഡോളറിന്റെ പദ്ധതിയാണ് നടപ്പാക്കുന്നത്. രക്തദാനത്തിന് ബദല് സംവിധാനം എന്ന നിലയ്ക്കല്ല കൃത്രിമമായി രക്തം നിര്മ്മിക്കുന്നതെന്ന് സര്വകലാശാലയുടെ പദ്ധതിക്ക് നേതൃത്വം നല്കുന്ന സ്ക്കോട്ടീഷ് നാഷണല് ബ്ലഡ് ട്രാന്സ്ഫ്യൂഷന് സര്വീസസ് തലവന് മാര്ക് ടര്ണര് പറഞ്ഞു.
20 വര്ഷം കഴിയുമ്പോള് കൃത്രിമരക്തം സാധാരണമായി തീരുമെന്നാണ് കണക്കുകൂട്ടല്. ഒ നെഗറ്റീവ് പോലുള്ള അപൂര്വ്വ രക്തഗ്രൂപ്പില് ഉള്ള്വരുടെ വിത്തുകോശം സ്വീകരിച്ച് കൃത്രിമ രക്തം ഉണ്ടാക്കുന്നത് ഫലപ്രദമായിരിക്കുമെന്ന് ഗവേഷകര് കരുതുന്നു.
Kerala tv show and newsസൌദിയിലെ താമസ, തൊഴില് നിയമങ്ങള് കൂടുതല് കടുത്തതാക്കി സൌദി ആഭ്യന്തരമന്ത്രായലം ഉത്തരവിറക്കി. ഇവിടെ അനധികൃതമായി താമസിക്കുന്നവര്ക്കും, തൊഴില് നിയമത്തിന് വിരുദ്ധമായി തൊഴില് ചെയ്യുന്നവര്ക്കുമാണ് മുഖ്യമായും കടുത്ത ശിക്ഷകള് ഉണ്ടാകുക. നിയമവിരുദ്ധമായി തൊഴില് ചെയ്യിക്കുന്നവര്, നുഴഞ്ഞു കയറുന്നവര്. ഇത്തരം ആളുകള്ക്ക് താമസ, വാഹനസൗകര്യങ്ങള് അനുവദിക്കുന്നവര്, ഹജ്ജ്, ഉംറ തീര്ഥാടനത്തിനത്തെി അനധികൃതമായി തങ്ങുന്നവര് എന്നിവര്ക്കെല്ലാം ഈ നിയമങ്ങള് ബാധകമാണ്.
ഫ്രീ വിസയില് ജോലി ചെയ്യുന്നവര്ക്കും, ജോലി തേടി അലയുന്ന വിദേശികള്ക്കും 10,000 മുതല് 25,000 റിയാല് വരെ പിഴയും ഒരുമാസം തടവും നാടുകടത്തലും ശിക്ഷയായി ലഭിക്കും. വിസ കഴിഞ്ഞിട്ടും നാട്ടിലേക്ക് പോകാത്തവര്ക്കും പുതിയ നിയമങ്ങള് ഉണ്ട്. നുഴഞ്ഞു കയറ്റക്കാരെ പ്രോത്സാഹിപ്പിച്ചാല് അത്തരം സ്ഥാപനങ്ങള്ക്കും വ്യക്തികള്ക്കും പിഴ ശിക്ഷയും, തടവു ശിക്ഷകളുമൊക്കെയുണ്ടാകും. ലൈസന്സുകള് റദ്ദക്കപ്പെടും. വിസ റദ്ദാക്കി നാട്ടിലേക്ക് അയക്കും 75,000 റിയാല് വരെയാണ് പിഴ ശിക്ഷ. നിയമലംഘനം വിധിക്കപ്പെട്ടവര്ക്ക് പരാതി ബോധിപ്പിക്കാന് 30 പ്രവൃത്തി ദിവസത്തെ കാലാവധിയുണ്ട്.
