മ്യൂണിച്ച്; രഹസ്യബന്ധത്തില്‍ മകള്‍ ജനിച്ചെന്ന് തുറന്ന് പറഞ്ഞ പുരോഹിതനെതിരെ കത്തോലിക്ക സഭ നടപടിയെടുത്തില്ല. രഹസ്യ ബന്ധത്തില്‍ മകള്‍ ജനിച്ചെന്ന് 5 വര്‍ഷം മുന്‍പ് മേലധികാരികളോടും അടുപ്പമുള്ളവരോടും സമ്മതിച്ചിരുന്നെന്ന് കഴിഞ്ഞ ദിവസം നടന്ന ഒരു ടിവി അഭിമുഖത്തില്‍ സ്റ്റെഫാന്‍ ഹാര്‍ട്ട് മാന്‍ എന്ന ജര്‍മന്‍ പുരോഹിതനാണ് വെളിപ്പെടുത്തിയത്. മകള്‍ക്ക് ഇപ്പോള്‍ 24 വയസായെന്നും ഇനി രഹസ്യമാക്കി വയ്ക്കാന്‍ ആഗ്രഹമില്ലെന്നും അദേഹം വ്യക്തമാക്കിയിരുന്നു. എന്നാല്‍ ഇതറിഞ്ഞിട്ടും കത്തോലിക്ക അതിരൂപതാ അധികൃതര്‍ ഈ വൈദീകനെതിരെ നടപടിയൊന്നും എടുത്തിട്ടില്ലെന്നാണ് റിപ്പോര്‍ട്ട്.
വിവാഹം പാടില്ലെന്നു മാത്രമേ കാനോന്‍ നിയമത്തില്‍ പറഞ്ഞിട്ടുള്ളുവെന്നും, ഹാര്‍ട്ട് മാന്‍ വിവാഹം കഴിച്ചിട്ടില്ലെന്നുമാണ് അവരുടെ നിലപാട്. രഹസ്യബന്ധത്തില്‍ മകള്‍ ജനിച്ചുവെന്ന് തുറന്നുപറഞ്ഞ വൈദീകന്‍ കത്തോലിക്ക സഭയിലെ വൈദീകര്‍ വിവാഹം കഴിക്കരുതെന്ന നിബന്ധനയെ രൂക്ഷമായി വിമര്‍ശിക്കുകയും ചെയ്തിരുന്നു.
{[['
']]}
']]}
