{[['
']]}
']]}
കൊച്ചുമകള്‍ 'ഹാപ്പി ബര്‍ത്ത്‌ഡേ' ചൊല്ലി: 'ബിഗ് ബി' ജന്മദിനം ആഘോഷിച്ചു
മുംബൈ: കൊച്ചുമകള്‍ ആരാധ്യ 'ഹാപ്പി ബര്‍ത്ത്‌ഡേ' പാടിയപ്പോള്‍ , 'ബര്‍ത്ത്‌ഡേ ബോയ്' അമിതാഭ് ബച്ചന്‍ ആഹ്ലാദത്താല്‍ മതിമറന്നു. രണ്ട് വയസ്സുകാരിയായ ആരാധ്യ കേന്ദ്രബിന്ദുവായ ചടങ്ങ് 71-ാം പിറന്നാള്‍ ആഘോഷിച്ച അമിതാഭിനും കുടുംബത്തിനും സന്തോഷത്തിന്റെയും ആത്മസംതൃപ്തിയുടെയും മുഹൂര്‍ത്തമായി മാറി.
'എന്റെ ദേഹത്തിന് ശക്തിയുള്ളിടത്തോളം കാലം പ്രവര്‍ത്തിക്കാനാണ് ഞാന്‍ താത്പര്യപ്പെടുന്നത് അതിനുവേണ്ടി ഇനിയും ഞാന്‍ പരിശ്രമിക്കു' മെന്ന് ട്വിറ്ററില്‍ നല്കിയ ജന്മദിന സന്ദേശത്തില്‍ അമിതാഭ് വ്യക്തമാക്കി.
അമിതാഭിന്റെ 70-ാം ജന്മദിനം വലിയ ആഘോഷമായാണ് കടന്നുപോയത്. എന്നാല്‍ 71-ാം ജന്മദിനം കുടുംബാംഗങ്ങള്‍ക്കൊപ്പമുള്ള ചെറു ചടങ്ങില്‍ മാത്രമൊതുങ്ങി. എല്ലാ വര്‍ഷവും വലിയ രീതിയില്‍ ജന്മദിനം ആഘോഷിക്കാനാവില്ല. എന്നെ സ്‌നേഹിക്കുന്ന എല്ലാവരുമായും ഞാന്‍ സന്തോഷം പങ്കുവെക്കുന്നെന്നും അമിതാഭ് സന്ദേശത്തില്‍ പറഞ്ഞു.
1969 ല്‍ 'സാത് ഹിന്ദുസ്ഥാനി' എന്ന ചിത്രത്തിലൂടെ സിനിമയിലെത്തി. പിന്നീട് ബോളിവുഡിലെ ക്ഷോഭിക്കുന്ന യുവത്വമായി മാറിയ താരം. അന്നും ഇന്നും ഹിന്ദി സിനിമയില്‍ ഏറ്റവും താരമൂല്യമുള്ള നടനാണ്ബിഗ് ബി. നാല് പതിറ്റാണ്ട് നീണ്ട അഭിനയജീവിതത്തില്‍ 180-ല്‍ അധികം ചിത്രങ്ങളില്‍ അമിതാഭ് അഭിനയിച്ചിട്ടുണ്ട്. ബിഗ് സ്‌ക്രീനിന് പുറമെ, ടെലിവിഷന്‍ രംഗത്തും അദ്ദേഹം ശ്രദ്ധേയ സാന്നിധ്യമാണ്.
പിറന്നാള്‍ ദിനത്തില്‍ മറ്റൊരു വേഷത്തിലും അമിതാഭ് എത്തുന്നെന്ന പ്രത്യേകതയുണ്ട്. ഉമേഷ് ശുക്ല സംവിധാനം ചെയ്യുന്ന പുതിയ ചിത്രത്തില്‍ 102 വയസ്സുള്ള വൃദ്ധനായാണ് ബച്ചന്‍ പ്രത്യക്ഷപ്പെടുന്നു. '102 നോക്ക്ഔട്ട്' എന്നാണ് ചിത്രത്തിന് പേരിട്ടിരിക്കുന്നത്. പരേഷ് റാവല്‍ ബച്ചന്റെ മകനായി ഈ ചിത്രത്തില്‍ പ്രത്യക്ഷപ്പെടുന്നു.
ജന്മദിനാഘോഷത്തിന്റെ ഭാഗമായി അച്ഛന്റെ പേരിലുള്ള ഹരിവംശറായ് ബച്ചന്‍ ഫൗണ്ടേഷന്‍ ട്രസ്റ്റ് ഊര്‍ജ ഫൗണ്ടേഷനുമായി ബന്ധപ്പെട്ട് മൂവായിരത്തോളം വീടുകളില്‍ സൗരോര്‍ജം എത്തിക്കാനുള്ള പദ്ധതിക്ക് തുടക്കമായിട്ടുണ്ട്.
{[['']]}
']]}ഗിരീഷ് കൊട്ടിക്കയറിയത് ലിംക ബുക്ക് ഓഫ് റെക്കോര്ഡിലേക്ക്
ചങ്ങരംകുളം: തുടര്‍ച്ചയായി 32 മണിക്കൂര്‍ തായമ്പകകൊട്ടി ആലങ്കോട് ഗിരീഷ് ലിംക ബുക്ക് ഓഫ് റെക്കോര്ഡിലേക്ക്.
വ്യാഴാഴ്ച രാവിലെ ഒമ്പതുമണിക്ക് ആര്യങ്കാവ് ഭഗവതിക്ഷേത്ര പരിസരത്ത് പ്രത്യേകം സജ്ജമാക്കിയ സ്റ്റേജില്‍ തുടങ്ങിയ താളപ്രണാമം അസുരവാദ്യത്തില്‍ വിസ്മയ പ്രപഞ്ചം തീര്‍ത്ത് വെള്ളിയാഴ്ച രാത്രി 10മണിയോടെയാണ് കൊട്ടിയിറങ്ങിയത്. ഇതോടെ തായമ്പകയില്‍ നിലവിലുള്ള റെക്കോര്‍ഡ് ഗിരീഷിന് മുമ്പില്‍ തലക്കുനിക്കുകയായിരുന്നു.
ആലങ്കോട് ഇല്ലത്തുവളപ്പില്‍ ഗോവിന്ദന്‍നായരുടെയും ശാന്തകുമാരിയുടെയും മകനാണ് ഗിരീഷ്. ആറാം വയസ്സിലാണ് ഗിരീഷ് ചെണ്ട അഭ്യസിച്ചുതുടങ്ങിയത്. തൃശ്ശൂര്‍, പാലക്കാട് ജില്ലകളിലെ വിവിധ ക്ഷേത്രസന്നിധികളിലും ഉത്സവപ്പറമ്പുകളിലും തായമ്പകയില്‍ ഗിരീഷ് നിറസാന്നിധ്യമായിട്ടുണ്ട്.
വ്യാഴാഴ്ച രാവിലെ 9.30ന് ആര്യങ്കാവ് ക്ഷേത്ര പരിസരത്ത് പി. ശ്രീരാമകൃഷ്ണന്‍ എം.എല്‍.എയാണ് താളപ്രണാമം ഉദ്ഘാടനംചെയ്തത്. വെള്ളിയാഴ്ച ഉച്ചയ്ക്ക് രണ്ടുമണിയോടെ നിലവിലുള്ള തായമ്പകയുടെ റെക്കോര്‍ഡ് മറികടന്നതോടെ വേദിക്ക് മുന്നില്‍ തിങ്ങിനിറഞ്ഞ നാട്ടുകാരും വാദ്യകലാ ആസ്വാദകരും ഗുരുശിഷ്യന്‍മാരും ഹര്‍ഷാരവത്തോടെ പുതിയ റെക്കോര്‍ഡിനെ സ്വാഗതം ചെയ്യുകയായിരുന്നു. ഗിരീഷിനെ അനുമോദിക്കാന്‍ ശനിയാഴ്ച വൈകുന്നേരം ആര്യങ്കാവ് ക്ഷേത്രപരിസരത്ത് യോഗം ചേരുന്നുണ്ട്.
{[['']]}
']]}
