{[['
']]}
']]}
Kerala tv show and news
ചെന്നൈ: കന്യാമറിയത്തിന്റെ പ്രതിമ കണ്ണുചിമ്മിയെന്ന് പ്രചാരണം. 113 ആമത് വാര്‍ഷികാഘോഷങ്ങള്‍ നടന്നുകൊണ്ടിരിക്കെ ചെന്നൈയിലെ അവര്‍ ലേഡി ഓഫ് ലൂര്‍ദ് പള്ളിയിലെ കന്യാമറിയത്തിന്റെ പ്രതിമ കണ്ണൂചിമ്മിയെന്നാണ് ഇപ്പോള്‍ പ്രചാരണം ശക്തമായിരിക്കുന്നത്. ചൊവ്വാഴ്ച രാവിലെ വാര്‍ഷിക പ്രാര്‍ത്ഥനയ്ക്കായി പള്ളിയിലെത്തിയ വിശ്വാസികളാണ് പള്ളിയിലെ കണ്ണാടിക്കൂട്ടിലുള്ള കന്യാമറിയത്തിന്റെ പ്രതിമ കണ്ണുചിമ്മുന്നത് കണ്ടത്. പള്ളിയിലേയ്ക്ക് കടക്കുന്നതിന്റെ ഇടതുവശത്താണ് പ്രതിമയുള്ളത്. പതിനൊന്ന് ദിവസം നീണ്ടുനില്‍ക്കുന്നതാണ് ഇവിടുത്തെ പ്രത്യേക പ്രാര്‍ത്ഥന. അത്ഭുതം സംഭവിച്ചതിന് ദൈവത്തോട് നന്ദി പറയുകയാണ് ഇവിടുത്തെ വിശ്വാസികള്‍. അതേസമയം ഇസ്രയേലിലും ഇതിനു സമാനമായ സംഭവം നടന്നതായി റിപ്പോട്ടുണ്ട്.
ഒരു ഗ്രാമത്തിലുള്ള വീട്ടിലെ കന്യാമറിയത്തിന്റെ പ്രതിമയുടെ കണ്ണില്‍ നിന്നും കണ്ണീര്‍ വീഴുന്നതാണ് വിശ്വാസികള്‍ കണ്ടത്. ഈ വീട്ടിലേയ്ക്ക് വളരെ ദൂരെനിന്നുപോലും ആളുകള്‍ എത്തുന്നുണ്ട്. മറിയം തന്നോട് സംസാരിച്ചതായും ഇവിടുത്തെ വീട്ടമ്മ പറയുന്നു. എന്തായാലും രണ്ട് സംഭവങ്ങളും ഇപ്പോള്‍ ചര്‍ച്ചയായിരിക്കുകയാണ്.
Post a Comment