വൈദിക വിദ്യാര്‍ത്ഥിയായിരിക്കെ ഒരു യുവതിയുമായി പ്രണയത്തിലായിരുന്നെന്ന് ഫ്രാന്‍സീസ് മാര്‍പാപ്പ.

Face book news,

{[['']]}

Kerala tv show and news

വത്തിക്കാന്‍സിറ്റി: വൈദിക വിദ്യാര്‍ത്ഥിയായിരിക്കെ ഒരു യുവതിയുമായി പ്രണയത്തിലായിരുന്നെന്ന് ഫ്രാന്‍സീസ് മാര്‍പാപ്പ. മാര്‍പാപ്പയായി സ്ഥാനമേറ്റതിന്റെ ആദ്യവര്‍ഷം പിന്നിടുന്നതിന്റെ ഭാഗമായി നടത്തിയ അഭിമുഖത്തിലാണ് മാര്‍പാപ്പ ഇക്കാര്യം വെളിപ്പെടുത്തിയത്. അന്ന് തനിക്കും ആ പെണ്‍കുട്ടിക്കും വളരെ കുറച്ചു പ്രായമേ ഉണ്ടായിരുന്നുള്ളുവെന്നും ഇതെല്ലാം കുമ്പസാരകനോട് പറഞ്ഞിരുന്നുവെന്നും പോപ്പ് വ്യക്തമാക്കി. വൈദീകനാകാന്‍ പരിശീലനം നടത്തിക്കൊണ്ടിരിക്കെ കണ്ടുമുട്ടിയ പെണ്‍കുട്ടിയുമായി താന്‍ പ്രണയത്തിലായിരുന്നെന്നായിരുന്നു മാര്‍പാപ്പയുടെ കുറ്റസമ്മതം. പക്ഷേ ഒരാഴ്ചയോളമേ ആ പ്രണയം നീണ്ടുനിന്നുള്ളു.

                                അന്ന് 22- 23 വയസുണ്ടായിരുന്ന ഫ്രാന്‍സീസ് ഉടന്‍ തന്നെ കുമ്പസാരക്കൂട്ടിലെത്തി തന്റെ കുറ്റം ഏറ്റുപറയുകയായിരുന്നു. ഇതൊക്കെയാണെങ്കിലും തന്റെ ദൈവവിളി അതീവശക്തമായിരുന്നെന്നും മാര്‍പാപ്പ അഭിമുഖത്തില്‍ കൂട്ടിച്ചേര്‍ക്കുകയുണ്ടായി. പതിനേഴാം വയസില്‍ തനിക്കൊരു ഗേള്‍ഫ്രണ്ട് ഉണ്ടായിരുന്നെന്ന് മാര്‍പാപ്പ നേരത്തെ വെളിപ്പെടുത്തിയിട്ടുണ്ട്. ഈ പെണ്‍കുട്ടിയോടൊപ്പം സത്സ ക്ലബുകളില്‍ ഡാന്‍സ് ചെയ്യാറുണ്ടായിരുന്നെന്നും മാര്‍പാപ്പ വിശദമാക്കിയിരുന്നു.